Pregnancy in Mind - Gwasanaethau cymorth i deuluoedd

Beth rydym ni'n ei wneud

Mae beichiogrwydd a dod yn rhiant newydd yn gyfnod o newid. Efallai eich bod chi’n teimlo dan bwysau neu’n unig, neu efallai bod rhywbeth nad yw’n teimlo’n iawn neu ddim fel y buasech yn ei ddisgwyl. Does dim rhaid i chi fynd drwy hyn ar eich pen eich hun, rydyn ni yma i’ch cefnogi chi.

Beth yw Pregnancy in Mind?
Mae Pregnancy in Mind yn rhaglen waith grŵp ar gyfer rhieni beichiog. Mae’n cynnwys 8 sesiwn gwaith grŵp. Gellir cyflwyno’r grŵp wyneb yn wyneb neu ar-lein.
Mae’r rhaglen yn cynnwys yr elfennau canlynol:
• Myfyrdod ymwybyddiaeth ofalgar
• Ymlacio actif
• Deall fy iechyd meddwl a datblygu ffyrdd o’i reoli
• Dod â’r babi i’r ystafell
• Cefnogaeth gymdeithasol
• Cwpl a chyd-riantu
Bob wythnos, byddwn yn cael trafodaeth un-i-un am eich lles.
Prif nod y grŵp hwn yw eich helpu i ddod o hyd i ffyrdd cadarnhaol o reoli unrhyw deimladau anodd rydych chi’n eu profi er mwyn gwella eich llesiant a meithrin y berthynas rhyngoch chi a’ch babi sydd heb ei eni.

Pwy ydym ni'n eu cefnogi

Gallwch fynychu os ydych chi’n rhiant sy’n disgwyl babi rhwng dechrau’r beichiogrwydd a 26 wythnos, gan obeithio y byddwch chi’n cwblhau’r grŵp erbyn yr adeg rydych chi’n 34 wythnos.

Nid oes rhaid i chi fod wedi cael diagnosis gorbryder nag iselder er mwyn i chi allu cymryd rhan yn y cynllun, gallwch ymuno os:
Yw eich beichiogrwydd chi, neu feichiogrwydd eich partner wedi gwneud i chi feddwl am brofiadau anodd yn eich gorffennol.
Mae gennych chi deimladau cymysg am y beichiogrwydd, sydd wedi achosi i chi fod mewn hwyliau isel neu i fod yn bryderus.
Rydych yn poeni am feichiogrwydd blaenorol, a sut effaith a gafodd arnoch chi a’r teulu.
Rydych y tu allan i rwydweithiau cefnogi teuluol/cymdeithasol.
Os ydych chi wedi profi gorbryder neu iselder yn y gorffennol a/neu os ydych chi’n poeni am Iselder Ôl-enedigol.
Rydych chi’n teimlo dan straen neu jest ‘ddim yn iawn’

Oes tâl yn cael ei godi am ddefnyddio'r gwasanaeth hwn?

Nac oes

All unrhyw un ddefnyddio'r gwasanaeth hwn?

Os yw hyn yn teimlo fel rhywbeth a fyddai o gymorth i chi, siaradwch â’ch bydwraig neu cysylltwch â ni’n uniongyrchol

Manylion am wasanaeth gwasanaethau cymorth i deuluoedd

Iaith: Saesneg yn unig

  • Yn gallu rhoi cymorth arbenigol i deuluoedd plant ag anableddau / anghenion ychwanegol No Cysylltwch i drafod anghenion eich plentyn(plant) ymhellach.
  • Mae gan staff perthnasol DBS cyfredol dilys? Yes

 Hygyrchedd yr adeilad

 Amserau agor

Dydd Llun - Dydd Gwener
9am - 5pm
Diweddariad diwethaf: 10/05/2024